असार ८, काठमाडौं। फिफा विश्वकप २०२६ अन्तर्गत पछिल्लो रोमाञ्चक खेलहरूमा अर्जेन्टिना र इजिप्टले सानदार जित दर्ता गरेका छन् भने अन्य दुई खेल बराबरीमा टुङ्गिएका छन्।
मेसीको ऐतिहासिक कीर्तिमान, अर्जेन्टिना नकआउट चरणमा
सोमबार राति भएको खेलमा स्टार स्ट्राइकर लियोनेल मेसीको उत्कृष्ट प्रदर्शनको मद्दतले अर्जेन्टिनाले अस्ट्रियालाई २–० गोल अन्तरले पराजित गरेको छ। अर्जेन्टिनाका लागि दुवै गोल कप्तान मेसीले नै गरे।
यस जितसँगै अर्जेन्टिना प्रतियोगिताको ‘राउन्ड अफ ३२’ (नकआउट चरण) मा प्रवेश गर्न सफल भएको छ। खेलका क्रममा मेसीले विश्वकप इतिहासमा आफ्नो व्यक्तिगत गोल संख्या १८ पुर्याउँदै विश्वकपमा सबैभन्दा धेरै गोल गर्ने खेलाडीको नयाँ कीर्तिमान समेत कायम गरेका छन्।
न्युजिल्यान्डमाथि इजिप्टको सहज जित
अर्को एकपक्षीय खेलमा इजिप्टले न्युजिल्यान्डलाई ३–१ को गोल अन्तरले पाखा लगाएको छ। खेलको सुरुदेखि नै दबाब बनाएको इजिप्टले महत्वपूर्ण ३ अंक जोड्दै आफ्नो अघिल्लो चरणको सम्भावनालाई बलियो बनाएको छ। न्युजिल्यान्डले खेलमा फर्कने प्रयास गरे पनि इजिप्टको बलियो रक्षापंक्ति तोड्न सकेन।
उरुग्वे र बेल्जियम बराबरीमा रोकिए
हिजै भएका अन्य दुई खेलहरू भने निकै प्रतिष्पर्धात्मक रहे। उरुग्वे र काबो भेर्डे बीचको खेल गोलको वर्षासहित २–२ को रोमाञ्चक बराबरीमा सकियो। दुवै टोलीले जितका लागि अन्तिम समयसम्म संघर्ष गरे पनि अंक बाँड्न बाध्य भए।
त्यस्तै, रक्षात्मक रणनीतिका साथ मैदान उत्रिएका बेल्जियम र इरानले भने गोलरहित (०–०) बराबरी खेलेका छन्। दुवै टोलीले केही राम्रा अवसरहरू सिर्जना गरे पनि गोल गर्न असफल रहँदा खेल बराबरीमा टुङ्गियो र दुवै टोली १–१ अंकमा चित्त बुझाउन बाध्य भए।
